Roedean Cafe - 全海景Cafe食早餐

如果你問英國有咩出哂名的菜式，「英式早餐」絕對係其中一樣。

英國人真係個個都喜歡full English breakfast，如果係屋企自己整，絕對是indulgence.

我自己本身唔係早餐人，平日多數skip breakfast，更加少會出街食早餐，不過偶然induge下自己，就會黎Roedean Cafe呢度食。

拿拿拿，呢度絶對唔係高級或是奢華，我喜歡呢度係個環境同感覺，成日同老公講話好想開間甘既cafe，煮下野比人食，同客人吹下水，對住個海，休休閒閒甘⋯⋯不過事實上呢度超級好生意，所以係唔啱我。

免費停車場都係full sea-view



早餐係英國黎講係大份夾抵食，而且食材質數唔差

Kujira - 居酒屋@Preston street

Preston Street被我哋班香港人叫左「食街」，因為馮親聚會都會係呢條街揾食。今次我哋試間屋酒屋，普普通通啦，不過係英國食日本菜，都唔要求得甘多了。志在大家見面吹下水，嘻嘻哈哈又一天。

A Wong - 倫敦一星中菜米之蓮生日飯

 今日一早起身收到菊花

邊有人送菊花做生日架，拜山咩。不過呢個就係我老公，嫌三嫌四下年乜都冇呀

Anyway, 老公一早訂左枱帶我去倫敦食lunch，我滿心歡喜，充滿期待，問極佢都唔講去邊度食，點知原來去飲茶英國點心有幾好食呀？點解唔食西餐呀？埋怨，抱怨⋯⋯老公話本來想訂的西餐廳lockdown closed 了之後要明天才重新營業，所以訂左中秋節才去食，叫我今日袋住先

當你冇期望就總有驚喜，我一向喜歡去有heart 有passion、老闆就是主廚的餐廳，呢間正正就是。家人開中國餐館，自己本身牛津畢業，因為父親去世擔起餐館生意，周圍去學廚然後改革，成為今日擁有1星米芝蓮的中菜餐廳（全英只有3間中菜米芝蓮餐廳）今日我坐counter table, 對住廚房，睇住Andrew 同團隊認真工作。縱然不是每一道菜都做得好，但感覺同氣氛就是會令我再返去幫襯的原因。況且，呢度的點心應該都係在英國黎講最好味了。我會推介一定要試的點心是小籠包同軟殻蟹腸粉，非常有驚喜。間餐廳最大缺點係個廁所好污糟，我係英國未見過甘污糟的廁所，超級扣分。

食完lunch 去左行Harrods. 每次行Harrods都會發覺自己好窮，所以唔買都要去睇下 不過今日Harrods 真係好冷清，名店counter得Hermes有人，我行家品、傢俬完全得sales冇客人，好兇佈。

Gingerman - Brighton fine dining

英國被稱為劣食國，其實都有好野食嘅，睇你有冇去揾，有冇去試啫。我自己喜歡周圍試新野，但我老公係一個唔鐘意出街食飯的人，朋友聚會通常食中餐。所以我係好想揾個同我一樣胃食的飯腳同我一齊周圍揾食。我想試多d餐廳主要原因是當香港親朋好友來探我時，我知道帶佢哋去邊度食野。

今日試左trip-adviser Brighton ranking no.1 restaurant- Gingerman

都係嗰句，係英國食平野貴，食貴野平。Brighton 係冇星星餐廳，所以不會抱著期望，再望下個價錢，香港一定食唔到啦，裝修就冇乜，不過我著重食多d. 我覺得味道唔錯喎，lunch and dinner serve 同一樣menu, 只開三至日lunch 同三至六dinner, 如果黎Brighton 想食fine dine可以試下預早訂位（因為晚上係超爆）