Perkin Bar & Bistro

上星期五姑仔生日，我們帶埋狗狗一齊去左同佢屋企住幾日兼慶祝。

隔左成5個幾月，先真正坐係餐廳食餐飯。呢間餐廳social distancing 做得好好，枱同枱之間隔好遠。餐廳位於Nottingham 東南面。現在只serve set menu, 3 course dinner 連麵包、咖啡/茶£35 另加一服務費。食物可以，環境因為social distancing, 佢哋用wedding venue 做dinning room, 所以非常舒適。

我知道住英港人都非常小心兼擔心疫情。而我則面對一班英國家人，等我話比你知佢哋心態

老爺奶奶 - 佢哋年紀大是怕死一族，所以一開始就閉關，今次去探佢哋都係係花園坐。姑仔一家則完全唔當一回事。姑仔是醫院護士，返工保護工作做足，但放工同其他人一樣都唔會戴口罩，佢老公同個仔一樣。佢哋認為日日都有人死，而佢係醫院COVID ward 做，見到d病人係會好返的，覺得冇乜大不了。anyway, 我知佢哋冇口罩，所以係香港訂左銀離子口罩+ filter 比佢哋。如果唔係政府強制要用，佢哋都唔會用。至於我老公，入商店、超市會戴口罩，但室外地方佢就唔會戴。佢哋全部都大過我，唔會聽我講，所以我又要佛系一下，要死唔洗病，聽天由命，費時勞氣。